Ифтитоҳи консулгарии Қазоқистон дар Хуҷанд
Душанбе, 5 феврал. (АМИТ «Ховар», Бекназари Абӯбакр). — Консулгарии Ҷумҳурии Қазоқистон дар шаҳри Хуҷанди вилояти Суғд расман ба фаъолият шуруъ намуд. Дар робита ба ин раиси вилояти Суғд Қоҳир Расулзода чанде қабл консули Ҷумҳурии Қазоқистон дар шаҳри Хуҷанд Мейрамгалӣ Оринбасаровро ба ҳузур пазируфт. Раиси вилоят боз шудани консулгарии Ҷумҳурии Қазоқистон дар шаҳри Хуҷандро ҳодисаи муҳим дар инкишофи муносибатҳои дуҷониба, аз ҷумла рушди робитаҳои судбахши байниминтақавии Тоҷикистону Қазоқистон ном бурд.Аз хадамоти матбуоти раиси вилояти Суғд ба АМИТ «Ховар» иттилоъ доданд, ки зимни мулоқот масоили ҳамкории кунунӣ ва дурнамои рушди робитаҳои самараноки байниминтақавӣ, аз ҷумла миёни вилояти Суғд ва минтақаҳои мухталифи кишвари Қазоқистон баррасӣ шуд. Таъкид гардид, ки имкону захираҳои истифоданашуда барои густариши ҳамкории барои ҳарду ҷониб муфид ҳанӯз зиёданд. Маврид ба ёдоварист, ки Ҷумҳурии Қазоқистон сеюмин кишварест, ки намояндагии худро дар шаҳри Хуҷанд таъсис додааст. Қаблан Федератсияи Русия консулгарӣ ва Ҷумҳурии Қирғизистон намояндагии худро дар шаҳри Хуҷанд ташкил карда буданд.
Дар соҳили дарёи Чангоб ҳашари экологии «Тозагии соҳил – 2026» гузаронида шуд
Имрӯз дар Душанбе ҳаво то 24 дараҷа гарм мешавад
ҚУРБИ АСЪОР: 1 рубли русӣ аз 0.1190 то 0.1223 сомонӣ муқаррар шудааст
Донишҷӯёни Донишгоҳи давлатии Бохтар ба номи Носири Хусрав соҳиби хобгоҳи нав мешаванд
«ТОҶИКОНА МЕПӮШЕМ!». Донишҷӯён ва кормандони Академияи идоракунии давлатӣ фарҳанги либоспӯшии миллиро тарғиб менамоянд
Дар Коллеҷи техникию омӯзгории ноҳияи Рӯдакӣ шаҳрвандон барномаҳои компютерӣ меомӯзанд
КИРМАКПАРВАРӢ. Сокини ноҳияи Ҷайҳун ҳамасола аз 100 то 110 килограмм пилла месупорад
Имрӯз дар Душанбе ҳаво то 22 дараҷа гарм мешавад
Судяҳои Тоҷикистон дар Остона дар конфронси байналмилалӣ иштирок намуданд
«САҲМИ МАН ДАР ШАҲРИ МАН». Имрӯз бахшида ба Рӯзи пойтахт иқдоми шаҳрӣ доир карда мешавад
Имрӯз дар Тоҷикистон бориши борон дар назар аст
Имрӯз дар Душанбе ҳаво то 22 дараҷа гарм мешавад
