Маросими расмӣ дар қароргоҳи ЮНЕСКО
Душанбе, 12 феврал. (АМИТ «Ховар»). — 11 феврал дар қароргоҳи ЮНЕСКО воқеъ дар шаҳри Париж маросими расмии оғози «Соли байналмилалии ҳамкорӣ дар бахши истифодаи об» баргузор гардид. Дар ин чорабинӣ ҳайати Ҷумҳурии Тоҷикистонро вазири корҳои хориҷӣ Ҳамрохон Зарифӣ намояндагӣ намуд. Вазири корҳои хориҷии Тоҷикистон Ҳамрохон Зарифӣ ва вазири ваколатдор оид ба масоили рушди Вазорати корҳои хориҷии Фаронса Паскал Конфен суханронӣ намуданд. Вазири корҳои хориҷии Тоҷикистон зимни суханрониаш зикр кард, ки Тоҷикистон ба ҳайси ташаббускори эълон намудани Соли байналмилалии оби соф, Даҳсолаи байналмилалии фаъолият дар мавзӯи «Об барои ҳаёт» ва Соли байналмилалии ҳамкорӣ дар бахши об ҷонибдори фаъоли татбиқи пурраи барномаи об дар Созмони Милали Муттаҳид мебошад. Ҳамрохон Зарифӣ дар анҷоми суханрониаш иштирокдорони муколамаро даъват намуд, ки дар кори конфронси шаҳри Душанбе фаъолона иштирок намоянд. Дар ҳошияи маросими расмӣ намоишгоҳи «Об барои ҳаёт» доир гардида, мубоҳисаи ғайрирасмӣ дар мавзӯи «Об барои ҳаёт» сурат гирифт.Дар ин бора аз Раёсати иттилоот, матбуот, таҳлил ва тарҳрезии сиёсати хориҷии Вазорати корҳои хориҷии Ҷумҳурии Тоҷикистон ба АМИТ «Ховар» хабар доданд.
Имрӯз дар Душанбе ҳаво то 24 дараҷа гарм мешавад
ҚУРБИ АСЪОР: 1 рубли русӣ аз 0.1190 то 0.1223 сомонӣ муқаррар шудааст
Донишҷӯёни Донишгоҳи давлатии Бохтар ба номи Носири Хусрав соҳиби хобгоҳи нав мешаванд
«ТОҶИКОНА МЕПӮШЕМ!». Донишҷӯён ва кормандони Академияи идоракунии давлатӣ фарҳанги либоспӯшии миллиро тарғиб менамоянд
Дар Коллеҷи техникию омӯзгории ноҳияи Рӯдакӣ шаҳрвандон барномаҳои компютерӣ меомӯзанд
КИРМАКПАРВАРӢ. Сокини ноҳияи Ҷайҳун ҳамасола аз 100 то 110 килограмм пилла месупорад
Имрӯз дар Душанбе ҳаво то 22 дараҷа гарм мешавад
Судяҳои Тоҷикистон дар Остона дар конфронси байналмилалӣ иштирок намуданд
Дар Душанбе ҷаласаи Шурои ҳамоҳангсозӣ бо донорҳо ва шарикони рушд дар соҳаи меҳнат, муҳоҷират ва шуғли аҳолӣ баргузор шуд
«САҲМИ МАН ДАР ШАҲРИ МАН». Имрӯз бахшида ба Рӯзи пойтахт иқдоми шаҳрӣ доир карда мешавад
Имрӯз дар Тоҷикистон бориши борон дар назар аст
Имрӯз дар Душанбе ҳаво то 22 дараҷа гарм мешавад
