Ордени «Зарринтоҷ» ба роҳбари ВКД

Душанбе, 20 феврал.(АМИТ «Ховар», Ибодат Давлатова).-Бахшида ба ҷашни 20-солагии «Артиши миллӣ» ва барои иҷрои софдилонаи вазифаи хизматии худ, ноил шудан ба натиҷаҳои баланди хизматӣ бо Фармони Президенти Ҷумҳурии Тоҷикистон вазири корҳои дохилӣ генерал-лейтенанти милитсия Рамазон Раҳимов бо ордени «Зарринтоҷ» сарфароз гардонида шуд.Инчунин муовини вазири корҳои дохилӣ Абдулло Навҷувонов, сардори Раёсати Вазорати корҳои дохилӣ дар шаҳри Душанбе Абдураҳмон Бузмаков, сардори Раёсати Хадамоти давлатии «Муҳофиза»-и Вазорати корҳои дохилӣ Шодибек Раҷабов бо рутбаи генерал-майори милитсия ва фармондеҳи Раёсати Қӯшунҳои дохилии Вазорати корҳои дохилӣ Неъматулло Қурбонов бо рутбаи генерал-майор сарфароз гардонида шуданд. Ҳамчунин аз номи Президенти Ҷумҳурии Тоҷикистон Эмомалӣ Раҳмон як гуруҳ кормандони мақомоти корҳои дохилӣ барои хизмати содиқона бо туҳфаҳои арзишнок қадрдонӣ шуданд.Дар ин бора ба мухбири АМИТ «Ховар» аз ВКД иттилоъ доданд.