«Рӯзи МегаФон» лоиҳаи беҳтарин эътироф шуд

Февраль 21, 2013 15:01

Душанбе, 21 феврал. (АМИТ «Ховар»). — Ширкати «МегаФон-Тоҷикистон» дар бахши «Иртибот дар ҳолати ҷаҳонишавӣ» ғолиби Ҷоизаи миллӣ дар соҳаи иртибот бо ҷомеаи «Камонвари нуқрагин» шуд. PR-лоиҳаи «МегаФон», ки ба озмун пешниҳод шуда буд, аз чорабиниҳои маҷмуӣ барои сокинони навоҳии мухталифи ҷумҳурӣ иборат аст. Аз ҷумла, дар чаҳорчӯби маросими идона дар майдони марказӣ базми рақсу шодӣ, «МегаДарс» барои хонандагони мактаб ва муаррифии барномаи маърифатӣ барои намояндагони ҳукуматҳо баргузор мешавад. Дар давоми соли 2012 ширкат дар 8 шаҳр ва 67 деҳаи Тоҷикистон 70 «Рӯзи МегаФон»-ро баргузор кардааст. Ғолибияти ширкат аз он шаҳодат медиҳад, ки воқеан ҳам лоиҳаи «Рӯзи МегаФон» дар бахши мазкур аз беҳтаринҳо буд ва он на танҳо соҳиби баҳои баланди ҳакамон шуд, балки барои иштирокдорони озмун, ки аз кишварҳои мухталиф ҷамъ омада буданд, мавриди писанд қарор гирифт. Қобили тазаккур аст, ки дар тӯли соли 2012 дар лоиҳаи «Рӯзҳои МегаФон» беш аз 100 000 нафар иштирок карданд. Дар соли равон ба озмун 114 лоиҳа пешниҳод шуд, ки танҳо 80- тои он ба даври ниҳоӣ роҳ ёфтанд, яъне барои муаррифии лоиҳаҳои худ дар назди ҷомеа ва мутахассисони соҳа ҳуқуқ пайдо карданд. Дар анҷоми муаррифиҳо ҳайати ҳакамони озмун ғолибонро аз рӯи бахшҳои «Иртибот дар ҳолати ҷаҳонишавӣ», «Лоиҳаи беҳтарин дар соҳаи бизнес-иртибот», «Лоиҳаи беҳтарин дар соҳаи иртиботи иҷтимоӣ ва хайриявӣ», «Лоиҳаи беҳтарин оид ба рушд ва пешбарии ҳудудҳо», «Лоиҳаи беҳтарин дар соҳаи дастовардҳои илмӣ ва навовариҳо», «Лоиҳаи беҳтарин оид ба пешбарии идеяҳои варзишӣ ва тарзи ҳаёти солим», «Беҳтарин иқдом дар самти рушди робитаҳои иҷтимоӣ», «Барои саҳми фарҳангӣ», «Устод» ва «Чеҳра» муайяншуданд.

Февраль 21, 2013 15:01

Хабарҳои дигари ин бахш

Зимни ҳамоиши ҳизбӣ дар ноҳияи Фирдавсӣ 200 нафар ятимон ва донишҷӯён бо корти нақлиётӣ таъмин гардиданд
НИШАСТИ МАТБУОТӢ. Дар Донишкадаи давлатии фарҳанг ва санъати Тоҷикистон 7 ихтисоси нав таъсис ёфт
Дар қароргоҳи Созмони Милали Муттаҳид дастовардҳои Тоҷикистон дар таҳкими сулҳу амният матраҳ гардиданд
То 1 октябри соли 2025 Лоиҳаи «Барномаи миёнамуҳлати рушд барои солҳои 2026-2030» таҳия мегардад
«МЕҲРИ МОДАР». Таҳти ин унвон бахшида ба Рӯзи Қувваҳои Мусаллаҳи Тоҷикистон иқдом баргузор гардид
Имрӯз дар шаҳри Душанбе ҳаво 12 дараҷа гарм мешавад
Имрӯз дар Агентии назорат дар соҳаи маориф ва илм, Агентии содирот, Бонки давлатии амонатгузории «Амонатбонк» ва Палатаи савдо ва саноат нишасти матбуотӣ баргузор мегардад
Пагоҳ дар Агентии назорат дар соҳаи маориф ва илм, Агентии содирот, Бонки давлатии амонатгузории «Амонатбонк» ва Палатаи савдо ва саноат нишасти матбуотӣ баргузор мегардад
«Интернет барои хона» Steam-ро вусъат мебахшад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Вазорати саноат ва технологияҳои нав, Кумитаи давлатии идораи замин ва геодезӣ, Академияи миллии илмҳо, Суди Олии иқтисодӣ нишасти матбуотӣ баргузор мегардад
Пагоҳ дар Вазорати саноат ва технологияҳои нав, Кумитаи давлатии идораи замин ва геодезӣ, Академияи миллии илмҳо, Суди Олии иқтисодӣ нишасти матбуотӣ баргузор мегардад