Таҷлил аз Рӯзи Артиши миллӣ

Кӯлоб, 21 феврал. (АМИТ «Ховар», С.Холов). – Бахшида ба 20-умин солгарди таъсиси Артиши миллӣ ба табрики афсарону сарбозони қисми низомии 13 483-и Қӯшунҳои хушкигарди Вазорати дифои Ҷумҳурии Тоҷикистон дар ноҳияи Восеъ кормандони комиссариати ҳарбии ноҳияи Ховалинг омаданд. Зикр шуд, ки имрӯз Артиши миллии Тоҷикистон бо техникаву лавозимоти ҳарбии муосир таъмин гардида, метавонад аз марзу буми хеш дифоъ намояд. Афсарону сарбозони қисми низомӣ аз таваҷҷуҳи ҳамешагии роҳбарияти олии кишвар, Вазорати мудофиа ва комиссариатҳои ҳарбӣ изҳори хушнудӣ карда, ваъда доданд, ки ба ватан хизмати садоқатмандона мекунанд.