Торнамои ҳамоиши байналмилалӣ ифтитоҳ мегардад

Душанбе, 4 феврал.(АМИТ «Ховар», Марзия Саидова).-Торнамои интернетии Конфронси байналмилалии сатҳи баланд оид ба ҳамкорӣ дар соҳаи об нимаи аввали моҳи феврал ифтитоҳ гардида, ба фаъолият шуруъ менамояд, гуфт муовини аввали вазири мелиоратсия ва захираҳои оби ҷумҳурӣ Султон Раҳимов. Ҳадафи конфронси мазкур, ки дар доираи таҷлили Соли байналмилалии ҳамкорӣ дар соҳаи об 20-21 августи соли равон дар пойтахти ҷумҳурӣ- шаҳри Душанбе баргузор мегардад, тавсеаи ҳамкориҳо дар бахши истифодаи захираҳои обӣ, тарғиби таҷриба ва дастовардҳо дар соҳаи амнияти экологӣ ва тақвияти ҳамгироии кишварҳои ҷаҳон дар самти комёб шудан ба Ҳадафҳои рушди ҳазорсола аст. Конфронс аз ҷониби Хукумати Ҷумҳурии Тоҷикистон дар ҳамкорӣ бо Сомони Миллали Муттаҳид баргузор мегардад. Чиҳати иштирок ба ин ҳамоиши сатҳи байналмилалӣ намояндагони ҳукуматҳои кишварҳои аъзои СММ, интитутҳои СММ, созмонҳои байналмилалию минтақавӣ, институтҳои байналмилалии молиявӣ, доираҳои тиҷоратӣ, намояндагони созмонҳои ҷамъятӣ, ҷомеаи шаҳрвандӣ ва олимону коршиносон даъват мешаванд.