Фурӯши ғайриқонунии симоб ҷилавгирӣ шуд

Душанбе, 13 март. (АМИТ «Ховар», Лутфия Эшонқулова). – Кормандони Агентии назорати маводи мухаддири назди Президенти ҶТ дар ҳудуди шаҳри Душанбе якҷанд ҷиноятро ҷилавгирӣ намуданд. Назар ба хабари маркази матбуоти агентии мазкур, сокини 20 – солаи пойтахт дастгир шуд, ки ӯ ба фурӯши ғайриқонунии маводи нашъаовар гумон бурда мешуд. Ҳангоми тафтиш аз номбурда миқдори муайяни маводи мухаддир пайдо ва мусодира карда шуд. Ғайр аз ин ҳангоми амалиёти фаврӣ дар саристгоҳи роҳи оҳани пойтахт як сокини ноҳияи Конибодоми вилояти Суғд дастгир гардида, аз ӯ 500 грамм симоб мусодира гардид. Аз рӯи хар ду ҳодиса парвандаҳои ҷиноӣ кушода шудааст.