Интихоби беҳтаринҳо

Ҳисор, 1 март. (АМИТ «Ховар», Ҳотам Рабиев).-Мақомоти иҷроия ва шуъбаи маорифи ноҳияи Ҳисор барои баланд бардоштани сифати таҳсил тадбирҳои судбахш меандешанд. Дар натиҷаи ҷамъбасти соли сипаригардида барои нишондодҳои беҳтарин ва фаъолияти пурсамар мактаби таҳсилоти миёнаи умумиии № 3 ба номи Қосимов, директораш И. Бозорова «Мактаби беҳтарини соли 2012», омӯзгори мактаби № 50 Сулаймон Ёқубов «Муаллими соли 2012», директори мактаби таҳсилоти умумии №5 ба номи Мирзо Турсунзода Фирдавсӣ Нуралиев «Директори беҳтарини соли 2012 » ва боғчаи рақами 4, мудираш Зулфия Сулаймонова «Боғчаи беҳтарини соли 2012» дониста шуда, бо мукофотҳои хотирмон сарфароз гардиданд.