Истиқбол аз иди модарон дар ДМТ

Душанбе, 5 март (АМИТ «Ховар», Баҳманёр Муродов).-Имрӯз дар толори Донишгоҳи миллии Тоҷикистон бахшида ба иди модарон чорабинии ботантана баргузор гардид. Маҳфилро сардори шуъбаи кор бо духтарон ва бонувони ДМТ Санавбар Акрамова оғоз бахшида, муаллимаҳои донишгоҳро ба ин ид таҳният гуфт.Ректори Донишгоҳи миллӣ Маҳмаюсуф Имомов дар суханронии худ аз нақши боризи бонувон дар фаъолияти донишгоҳ ёдовар шуда, ҷашни модаронро аз ҷашнҳои хуҷаста унвон кард. Ҳамчунин дар чорабинӣ ба як гуруҳ муаллимаҳои фаъоли донишгоҳ ифтихорномаҳои Вазорати маориф ва ифтихорномаҳои раёсати донишгоҳ супорида шуданд.