Истифодаи захираҳои ҳавзаи оби Исфара

Душанбе, 29 март. (АМИТ «Ховар»). – Намояндагони бахшҳои хоҷагии об, ҳифзи табиат, санитарию эпидемиологӣ, иқтисодӣ, ҳамчунин маъмурияти маҳаллӣ дар шаҳри Хуҷанд масоили истифодаи захираҳои оби ноҳияи Исфараро мавриди муҳокима қарор доданд.Тавре ки аз намояндагии Иттиҳоди Аврупо дар Тоҷикистон хабар доданд, ин чорабинӣ дар ҳошияи лоиҳаи Иттиҳоди Аврупо таҳти унвони «Дастгирии созмонҳои хоҷагии об ва ҳавзаҳои Осиёи Марказӣ» баргузор шуд. Лоиҳаи мазкурро Ҷамъияти ҳамкории байналмилалии Олмон аз рӯи барномаи «Истифодаи захираҳои оби наздисарҳадии Осиёи Марказӣ» дар амал татбиқ менамояд.Барнома ҷиҳатҳои мухталифро аз ташаккули феҳрасти масоили ҳавзаи об то ҷалби ҳамаи ҷонибҳои манфиатдор ба раванди тарҳрезиро дар бар мегирад. Иштирокдорони ҷамъомад ҳамчунин сохтор, мазмун ва дурнамои ҳавзаи оби ноҳияи Исфараро мавриди муҳокима қарор дода, вазъи ҳозираро таҳлил намуда ва номгӯи масоилу дархостҳои марбут ба ҳавзаи обро муайян мекунанд.