Кӯмаки «Бобуна» ба беморон

Кӯлоб, 28 март. (АМИТ «Ховар», С.Холов). — Дар ноҳияи Ҳамадонӣ бо дастгирии ҳокимияти маҳаллӣ ташкилоти хайриявии «Бобуна» фаъолият мекунад. Ташкилоти мазкур дар рӯзҳои таҷлили ҷашни Наврӯзи оламафрӯз ба табобатгирандагони беморхонаи бемориҳои зидди сили ноҳияи Ҳамадонӣ кӯмак расонид. Роҳбари ташкилоти хайриявии «Бобуна» Саидислом Мирзоев ҳангоми суҳбат иброз дошт, ки ташкилоти мазкур се сол боз дар ноҳияи Ҳамадонӣ ба беморон чунин кӯмакҳо мерасонад. Дар баробари ин бо маблағҳои ташкилот дастгоҳи рентгенӣ таъмир карда шуд, ки имкони дар деҳаҳо ташхиси сокинон муҳайё гардид.Роҳбарияти ноҳия ва ташкилоти хайриявии «Бобуна» ба табобатгирандагон ва пизишкони беморхонаи зидди касалиҳои сил туҳфаҳои идона тақдим карданд.