Маблағҳои қарзии низоми бонкӣ меафзоянд

Душанбе, 29 март. (АМИТ «Ховар», Покиза Маҳмадбекова). – Дар оғози моҳи феврали соли 2013 маблағи умумии қарзии низоми бонкӣ ва ташкилотҳои хурди молиявии бахшҳои асосии иқтисодиёти Тоҷикистон беш аз 5 миллиарду 400 миллион сомониро ташкил доданд.Тавре ки аз Агентии омори назди Президенти Ҷумҳурии Тоҷикистон ба АМИТ «Ховар» хабар доданд, тайи давраи гузашта қарзҳои мӯҳлати пардохташон таъхиршуда аз рӯи вомҳои низоми бонкӣ ва ташкилотҳои хурди молиявӣ баробари беш аз 360 миллиону 500 ҳазор сомонӣ буданд, ки аз ҷумлаи онҳо 153 миллион сомонӣ асъори миллӣ ва 207 миллиону 500 ҳазор сомонӣ асъори хориҷиро ташкил медиҳад.