Муҳокимаи амнияти маводи ғизоӣ

Душанбе, 27 март. (АМИТ «Ховар», Покиза Маҳмадбекова). – Чанде пеш Ташкилоти маводи ғизоӣ ва кишоварзии Созмони Милали Муттаҳид якҷоя бо Вазорати кишоварзии Тоҷикистон дар ҳошияи лоиҳаи «Мусоидат ба вусъат бахшидани низоми иттилоотии миллии амнияти маводи ғизоӣ» семинари даҳрӯза аз рӯи ҷиҳатҳои асосӣ ва консепсияҳои амнияти маводи ғизоиро ташкил намуд. Дар кори семинар 36 нафар аъзои Гурӯҳи техникии корӣ оид ба амнияти маводи ғизоии вазорату идораҳои ҷумҳурӣ ширкат доранд. Иштирокдорони семинар бо консепсияҳои низоми иттилоотии амнияти ғизоӣ, усулҳои арзёбӣ ва таҳлили вазъияти амнияти маводи ғизоӣ шинос мешаванд.Дар семинар сармутахассиси шӯъбаи кишоварзӣ ва истифодаи замини Дастгоҳи иҷроияи Президенти ҶТ Тоҳирҷон Содиқов зикр намуд, ки солҳои охир вазъи бо маводи ғизоӣ таъмин намудани аҳолии кишвар хеле беҳтар гардида, вале дар ин росто камбудиҳо низ ба назар мерасанд.