Намоиши «Шабе дур аз Ватан» дар Челябинск

Душанбе, 15 март. (АМИТ «Ховар», Раъно Нусратуллоева).-Аз 23 то 31 марти соли 2013 дар шаҳри Челябински Федератсияи Русия аввалин фестивал-лабораторияи байналмилалии театрии намоишхои хурд-«CHELoВЕК ТЕАТРА» доир мегардад. Дар фестивал Тоҷикистонро Театри давлатии ҷавонони ба номи Маҳмудҷон Воҳидов бо роҳбарии муовини директори театр Зиёбой Тошев муаррифӣ менамояд. Ҳунармандони тоҷик намоишномаи «Шабе дур аз Ватан» (андешаҳои театрӣ аз ашъори Бозор Собир)-ро дар таҳияи Нозим Меликов пешкаши ҳаводорони санъати театрӣ мегардонанд.Сафари ҳунармандон бо дастгирии Вазорати фарҳанги Ҷумҳурии Тоҷикистон, Институти ҷомеаи кушода-Бунёди Мадад дар Тоҷикистон сурат мегирад.