Наврӯз паёми сулҳ ва дӯстии халқҳост

Душанбе, 20 март. (АМИТ «Ховар»). — Наврӯз яке аз олитарин идҳои башарият ба ҳисоб рафта, таърихи беш аз 5000- соларо дорост. Боиси ифтихор аст, ки бо Қатъномаи СММ дар 64-умин Маҷмаи кулл соли 2010 дар қатори дигар давлатҳо бо пешниҳоди Ҷумҳурии Тоҷикистон Наврӯз «Иди байналмилалии тамоми халқҳо» эълон гашт.Наврӯз ҳикматҳои зиёде дошта, рӯзи ҷашнгирии оғози ҳаёти нав ба шумор меравад. Дар ин рӯз бояд аз гузашта фикр карда, ба оянда бо умед назар кунем. Ин лаҳзае мебошад, ки дӯстон, оила ва ҷамъиятро бо мақсади арзишҳо ва кӯшишҳо ба ҳам мепайвандад. Наврӯз ҳазорсолаҳост, ки аз ҷониби халқҳои Осиёи ғарбӣ, марказӣ ва ҷанубӣ, Қавқоз, Балкан ва дигар минтақаҳо ҷашн гирифта мешавад. Наврӯз бо худ ҷилои ғаниеро муаррифӣ мекунад, ки ин бофандагӣ, расму тамоюл ва дигар идҳои баҳорӣ бо хушоҳангӣ дар табиат мебошад. Ин рӯз рӯзи шеъру сурудхонӣ, рақсу бозӣ ва оростани мизи идона мебошад, ки гузаштаро бо оянда пайванд намуда, мардумони миллат, дин, забон ва фарҳангашон гуногунро вирди паёми сулҳ муттаҳид менамояд. Бо ҳидояти зеҳнӣ боз метавон гуфт, ки ин ид иди табодул аст.Наврӯз иқтидори мероси ғайримоддии фарҳанги инсониро таҷассум мекунад. Аз насл ба насл Наврӯз ҳисси давомат ва ба худ хосро ҳифз намудааст, ки аз қарнҳо то ба имрӯз омадааст. Аз ин лиҳоз, соли 2009 Наврӯз дар асоси Конвенсияи ЮНЕСКО оид ба ҳифзи мероси ғайримоддии фарҳангӣ ба рӯйхати мероси ғайримоддии фарҳанги инсонӣ ворид карда шуд. Ин бо туфайли кӯшишҳои якҷояи якчанд давлате, ки ин идро ҷашн мегиранд, амалӣ гардидааст.Махсусан дар ин замони чаҳонишавӣ ба мо ҷашнвораҳои фарҳангие лозиманд, ки мардумро муттаҳид менамоянд ва алоқаи байни ҷамъиятро бо табиат қавӣ мегардонанд. Фарҳанг сарчашмаи муттаҳидӣ ва хирадмандии ҷамъият ба шумор меравад. Он ба мо харитаеро пешкаш мекунад, ки тавассути он метавон ҷаҳонро бо самтҳояш хонд. Он инчунин барои ҷомеаҳое, ки ин идро ҷашн мегиранд, дар рушд ва устувории экологии онҳо афзалиятҳои зиёд дорад. Дар ҳошияи омодагӣ ба соли ҳамкориҳои обӣ, ки соли 2013 дар Созмони Милали Муттаҳид бо пешниҳоди Тоҷикистон дастигирӣ ёфтааст, мо бояд муҳимияти фарҳангро ҳамчун асоси рушди устувор барои ояндаи ҳамагон дарк кунем.Наврӯз ин рӯзест рӯзи ваъдаҳо – ваъдаҳои ба ҳаёт ҷилои нав додан ва ба оянда бо умед назар кардан аст. Дар ин росто, Комиссияи миллии Ҷумҳурии Тоҷикистон оид ба корҳои ЮНЕСКО ҷиҳати дастгирӣ ва амалисозии сиёсати фарҳангии кишвар омода буда, мунтазам таъкид медорад, то тариқи иди Наврӯз ҳамагон бояд ин паёми сулҳ, ризоият ва оштиро ба наслҳои оянда паҳн намуда, якҷоя амалӣ намоянд. Наврӯзи ҳамагон муборак бод!Котиби масъули Комиссияи миллии Ҷумҳурии Тоҷикистон оид ба корҳои ЮНЕСКО-и ВКХ ҶТ Шаҳло Абдураҳимова.