«Наврўз-бедории табиат»- викторонаи экологӣ

Душанбе, 14 март. (АМИТ «Ховар», Н. Назиров).-Дирӯз дар мактаби таҳсилоти миёнаи умумии №72-и ноҳияи Фирдавсӣ дар мавзўи «Наврўз-бедории табиат» бо иштироки хонандагони мактабҳои таҳсилоти миёнаи умумии чор ноҳияи пойтахт викторинаи экологӣ баргузор гардид. Дар викторина намояндагони Кумитаи ҳифзи муҳити зисти назди Ҳукумати Ҷумҳурии Тоҷикистон ва Раёсати маорифи шаҳри Душанбе сухан гуфта, роҷеъ ба баҳору наврўз маълумот доданд.Баъдан суолу ҷавоб байни хонандагон баргузор гардид. Дар посухи суолҳо бештар хонандагони синфи 9-и мактабҳои таҳсилоти миёнаи умумии № 60-и ноҳияи Сино, 72-и ноҳияи Фирдавсӣ, литсейи №55-и ноҳияи Шоҳмансур ва гимназияи ба номи Низомии ноҳияи Исмоили Сомонӣ фаъолона ширкат варзиданд.Аз тарафи Раёсати ҳифзи муҳити зисти шаҳри Душанбе ба устодон ва хонандагони дар викторина фаъолона ширкат намуда, ифтихорнома ва туҳфаҳои хотиравӣ тақдим шуд.Дар ин бора ба мухбири АМИТ «Ховар» сармутахассиси маркази ахбори экологии кумита Хуршеда Мусаввирова иттилоъ дод.