Сатҳи таваррум ба 1,1 фоиз баробар шуд

Душанбе, 16 март. (АМИТ «Ховар», Покиза Маҳмадбекова). — Тибқи маълумотҳои оморӣ дар давраи январ — феврали соли равон яке аз нишондиҳандаҳои муҳими макроиқтисодӣ – таваррум ба 1,1 фоиз баробар шуд. Бояд гуфт, ки дар моҳи феврали соли равон таваррум 0,6 фоизро ташкил намуд. Сатҳи таваррум дар давоми 12 моҳи охир ба 7,0 фоиз баробар шуд. Аз рӯи иттилои Бонки миллии Тоҷикистон меъёри бозтамвил, ки ҳамчунин яке аз фишангҳои сиёсати пулию қарзӣ ба шумор меравад, дар моҳи феврали соли ҷорӣ чун моҳҳои пешин дар сатҳи 6,5 фоиз бе тағйир қарор дорад.