Сомонаи «Согдийская правда» фаъол шуд

Душанбе, 14 март. (АМИТ «Ховар», Баҳманёр Муродов).-Сомонаи нашрияи мақомоти иҷроияи ҳокимияти давлатии вилояти Суғд –рӯзномаи «Согдийская правда» фаъол шуд. Бино ба иттилои хадамоти матбуоти Ҳукумати вилояти Суғд нишонаи сомона дар шабакаи умумиҷаҳонии интернет www.sogd-pravda.tj буда, он бо мақсади дастрасии хонандагони манотиқи мухталифи кишвар ба матолиби ин рӯзнома роҳандозӣ гардидааст. Рӯзномаи «Согдийская правда», ки қаблан номи «Ленинабадская правда»- ро дошт, аз моҳи марти соли 1934 инҷониб нашр мешавад.