Вохӯрии Шариф Раҳимзода бо Эрик Мартин

Душанбе, 7 март. (АМИТ «Ховар», Покиза Маҳмадбекова). — Дар доираи баргузории кори комиссияи байниҳукуматии Ҷумҳурии Тоҷикистон ва Швейтсария оид ба ҳамкориҳои тиҷоратию иқтисодӣ вохӯрии вазири рушди иқтисод ва савдои ҷумҳурӣ Шариф Раҳимзода бо ҳайати Шӯрои Федералии Швейтсария таҳти роҳбарии вакили Шӯрои Федералӣ оид ба созишномаҳои тиҷоратӣ, роҳбари муносибатҳои дуҷонибаи иқтисодии котиботи давлатӣ оид ба ҳамкориҳои иқтисодӣ Эрик Мартин-сафир баргузор гардид.  Дар мулоқот ҷонибҳо атрофи масъалаҳои ҷорӣ ва дурнамои рушди ҳамкориҳои мутақобилан судманд мубодилаи афкор намуда, омодагии худро ҷиҳати густариши ҳамкориҳо дар тамоми бахшҳои иқтисодӣ баён доштанд.