Ҳисобот дар бораи таҳқиқи тиббию демографӣ

Душанбе, 11 апрел. (АМИТ «Ховар»). – 10 апрел дар шаҳри Душанбе маросими додани ҳисоботи пешакӣ дар бораи таҳқиқи тиббию демографӣ баргузор гардид.Тавре ки аз Сафорати ИМА дар Тоҷикистон хабар доданд, дар ҷумҳурӣ аз рӯи баъзе нишондодҳои тансиҳатӣ тағйироти мусбат ба назар мерасад. Тайи солҳои 2008 – 2012 фавти кӯдакони синнашон то панҷ ба ҳар ҳазор нафар навзод 43 нафарро ташкил дод, ки ин нисбат ба нишондиҳандаҳои солҳои гузашта хеле кам аст. Лоиҳае, ки дар хошияи он тадқиқот гузаронида мешавад, бо дастгирии Агентии ИМА оид ба рушди байналмилалӣ ва Бунёди нуфуси Созмони Милали Муттаҳид дар Тоҷикистон амалӣ мегардад.