Ҷаласаи муштараки ММ МН МО Ҷумҳурии Тоҷикистон

Душанбе, 22 апрел.(АМИТ «Ховар», Марзия Саидова).- 26 апрели соли 2013 дар шаҳри Душанбе ҷаласаи чоруми якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон даъвати чорум баргузор мегардад, ки дар он Президенти Ҷумҳурии Тоҷикистон Эмомалӣ Раҳмон Паёми навбатии худро ба Маҷлиси Олии кишвар ироа месозад. Аз дастгоҳи палатаи болоии парлумони мамлакат ба АМИТ «Ховар» иттилоъ доданд, ки аъзои Маҷлиси миллӣ ва вакилони Маҷлиси намояндагони Маҷлиси Олии ҷумҳурӣ рӯзҳои 24-25 апрели соли равон аз соати 8:00 то соати 17:00 ва рӯзи 26 апрел аз соати 6:00 то соати 7:30 дар бинои Маҷлиси Олии Ҷумҳурии Тоҷикистон ошёнаи якум, утоқи якум ба қайд гирифта мешаванд. Аъзои палатаи болоӣ ва вакилони палатаи поёнии парлумони мамлакат имкон доранд ҷиҳати номнависӣ бо телефонҳои 221-98-35, 221 89-35 дар тамос бошанд. Ҷаласаи чоруми муштараки Маҷлиси миллӣ ва Маҷлиси намояндагони Маҷлиси Олии ҷумҳурӣ 26 апрел дар маҷлисгоҳи Маҷлиси Олии Ҷумҳурии Тоҷикистон оғоз гардида, сипас дар Маҷмааи давлатии «Кохи Ваҳдат» -и пойтахт идома меёбад.