33 миллион сомонӣ барои соҳибкории хурду миёна

Қӯрғонтеппа, 10 апрел. (АМИТ «Ховар», Мурод Сотиев). – Соли ҷорӣ барои рушди соҳибкории хурду миёнаи вилояти Хатлон 33 миллион сомонӣ ҷудо карда мешавад. Тавре ки роҳбари раёсати сармоягузорӣ ва амволи давлатии вилояти Хатлон Саймӯъмин Мӯсоев ба АМИТ «Ховар» хабар дод, бо истифода аз ин маблағҳо якчанд корхонаи саноатӣ низ бунёд мегардад. Мувофиқи суханони Саймӯъмин Мӯсоев, соли равон аз ҳисоби маблағҳои буҷа ва ҷалби соҳибкорони маҳаллӣ 197 корхонаи коркарди сабзавот, нахи пахта, пилла ва пашм бунёд шуда, дар натиҷаи ин 4 ҳазору 448 нафар бо кор таъмин мешавад.