Афғонистону Сербия ба СААД наздик мешаванд

Душанбе, 12 апрел.(АМИТ «Ховар», Марзия Саидова).- Ба парлумонҳои Сербия ва Афғонистон мақоми нозир дар назди Ассамблеяи Парлумонии Созмони Аҳдномаи Амнияти Дастаҷамъӣ /СААД/ дода шуд. Дар ин ин хусус Шӯрои Ассамблеяи парлумонии СААД, ки дар қасри Таврическийи Санкт-Петербурги Русия баргузор гардид, қарори марбута қабул намуд. Дар назди парламентарҳо дабири кулли СААД Николай Бордюжа доир ба фаъолияти СААД дар соли 2012 ва нақшаю дурнамои он гузориш дод. СААД –Иттиҳоди сиёсию низомӣ буда, 15 майи соли 1992 созмон дода шудааст. Алҳол дар ҳайати СААД 6 давлат — Тоҷикистон, Русия, Қазоқистон, Қирғизистон, Беларус ва Арманистон шомил мебошанд. Ду кишвари Қафқоз -Озарбойҷону Гурҷистон дар моҳи апрели соли 1999 ва Ӯзбекистон 28 июни соли 2012 аз узвият дар СААД даст кашиданд.