Баррасии робитаҳои ҳасанаи Тоҷикистону Русия дар шаҳри соҳили Нева
Душанбе, 11 апрел.(АМИТ «Ховар», Марзия Саидова).-Таҳкими ҳамкориҳои мутақобилан судманди байнипарлумонӣ миёни Тоҷикистону Русия зимни мулоқоти раиси Маҷлиси миллии Маҷлиси Олии ҷумҳурӣ Маҳмадсаид Убайдуллоев бо раиси Думаи Давлатии Маҷлиси Федералии Федератсияи Русия Сергей Наришкин дар қасри Таврическийи Санкт-Петербург баррасӣ гардид. Дар ҷараёни мулоқот раисони парламентҳои Тоҷикистону Русия маҷмӯи масъалаҳои марбут ба тавсеаи робитаҳои дӯстонаву байнипарлумонӣ, вусъати татбиқи санадҳои сатҳи мухталифи байнидавлатию парлумониро баҳри танзими равандҳои муҳоҷирати меҳнатӣ ва ҳимояи ҳуқуқи муҳоҷирони меҳнатӣ дар ҳар ду кишвар, инчунин соири масоили тақвияти робитаҳои ҳасанаи Тоҷикистону Русияро матраҳ сохтанд. Хотиррасон мекунем, ки ҳайати парлумонии Тоҷикистон таҳти роҳбарии Маҳмадсаид Убайдуллоев-раиси палатаи болоии парлумони кишвар ҷиҳати иштирок дар чорабиниҳои Ассамблеяи Байнипарлумонии Иттиҳоди Давлатҳои Мустақил /ИДМ/, Ассамблеяи Байнипарлумонии Иттиҳоди иқтисодии Аврупову Осиё /ИИАО/ ва Ассамблеяи Парлумонии Созмони Аҳдномаи Амнияти Дастаҷамъӣ /СААД/ дар шаҳри соҳили Неваи Русия –Санкт-Петербург қарор дорад.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
