Чанд хабар аз хориҷи кишвар

Эътирози маҳбусони Гуантанамо Душанбе, 9 апрел .(АМИТ «Ховар»).-Тавре ки расонаҳои хабарии Аврупо менависанд, маҳбусони Гуантанамо муддати чанд ҳафта мешавад, ки аз гуруснанишинӣ даст намекашанд. Дар айни ҳол дар ин намоиши эътирозӣ беш аз 30 нафар ширкат дорад. Мутахассисон мегӯянд, ки сабаби доир намудани чунин эътироз дар он аст, ки посбонони маҳбас маҳбусонро дар ҳуҷраҳои сард нигоҳ дошта, мавриди шиканҷа қарор медоданд. Бояд гуфт, ки маҳбас дар пойгоҳи ҳарбии Иёлоти Муттаҳидаи Амрико дар Куба қарор дорад. Дар ин ҷо нафароне маҳбусанд, ки дар содир кардан ва ё даст доштан дар амалҳои террористӣ гумонбар ҳисобида мешаванд. Соли 2008-ум Президенти Амрико Барак Обама ҳангоми маъракаи пешазинтихоботиаш ба сокинони кишвар ваъда дода буд, ки дар сурати президент шуданаш, фаъолияти маҳбаси Гуантанаморо қатъ менамояд, вале то имрӯз маҳбас фаолият дорад.Талаби сокинони Британияи Кабир Душанбе, 9 апрел .(АМИТ «Ховар»).- Сокинони Британияи Кабир аз вазири меҳнат ва нафақа талаб доранд, ки сараввал худ бо маоши камтарини зиндагӣ қаноат намуда, баъд маоши сокинонро кам намояд.Зимни як барномаи телевизионӣ вазир шикоят карда гуфт, ки баъди пардохти музди хизматрасонии коммуналӣ боқимондаи маблағаш барои як ҳафта 57 фунтро ташкил медиҳад. Изҳороти ў боиси нигаронии сокинон гардид. Ҳукуматдорон тасмим гирифтанд, ки дар рӯзҳои наздик музди маоши коргаронро 30 фоиз зиёд намоянд. Сокинони кишвар низ аз ҳукуматдорон талаб доранд, ки маоши онҳо 50 фисад зиёд шавад.Тарҷумаи Иброҳими Ҳабибуллоҳ