Маснуоти саноати сабук-берун аз ҷумҳурӣ

Душанбе, 20 апрел. (АМИТ «Ховар», Дилшодаи Хайруллоҳ).- Корхонаҳои соҳаи саноати сабук дар семоҳаи аввали соли 2013 ба маблағи зиёда аз 54039,1 ҳазор сомонӣ маҳсулот истеҳсол кардаанд, ки нисбат ба ҳамин давраи соли 2012 (40205,7 ҳазор сомонӣ) 13833,4 ҳазор сомонӣ зиёд буда, суръати афзоиш 134,4 % — ро ташкил намуд. Тибқи иттилои шуъбаи котиботи Вазорати энергетика ва саноати Ҷумҳурии Тоҷикистон дар ин давра қобилияти содиротии корхонаҳои саноати сабук, бахусус ҶММ «Файзи Истиқлол — 2011», ҶММ «Хима — Текстайл», ҶСП «Олим -Текстайл», ҶММ «Спитамен текстайл», ҶММ «ИИ Нассоҷии Тоҷик», ҶММ «Ҷавонӣ», ҶММ «Сатн», ҶММ «Текстил Сити», ҶММ «Фирўз», СИ «Раҳимов», ҶСК «Нафиса», Заводи коркарди пўсти ноҳияи Данғара, ҶММ «Муҳаммадинаҷот» ва ҶСК «Қолинҳои Қайроққум» афзун гардида, содироти маҳсулоти ин корхонаҳо ба хориҷи кишвар дар давраи ҳисоботӣ тибқи маълумотҳои фаврӣ зиёда аз 50,6 млн. сомониро ташкил дод, ки нисбат ба ҳамин давраи соли 2012 (44 млн. 069 ҳазор сомонӣ) 6 млн. 563 ҳазор сомонӣ зиёд аст.