Муҳокимаи масоили татбиқи стратегияи зидди маводи нашъаовар

Душанбе, 26 апрел. (АМИТ «Ховар», Лутфия Эшонқулова). – Директори Агентии назорати маводи нашъаовари назди Президенти Ҷумҳурии Тоҷикистон Рустам Назаров дар машварати ҳармоҳаи гурӯҳи роҳбарони созмонҳои мададгор, ки 25 апрел дар шаҳри Душанбе баргузор гардид, иштирок намуд. Тавре ки аз маркази матбуоти агентӣ ба АМИТ «Ховар» хабар доданд, Рустам Назаров зимни суханрониаш сабабҳои асосиеро, ки барои тарҳрезӣ ва қабули стратегияи миллӣ, мақсаду вазифаҳо ва табиқи он мусоидат мекунанд, сухан ронд.Дар машварат ба роҳҳои татбиқи стратегия ва ҳамкории байналмилалӣ таваҷҷӯҳи хоса зоҳир гардид.Хотирнишон месозем, ки ин стратегияро Президенти Ҷумҳурии Тоҷикистон Эмомалӣ Раҳмон 13 феврали соли 2013 тасдиқ намуда буд.