Рушди корҳои сохтмонӣ дар Шӯрообод

Шӯрообод, 29 апрел. (АМИТ «Ховар», С. Холов).-Дар ноҳияи Шӯрообод бо дастгирии ҳукумати ӋТ, мақомоти иҷроияи ҳокимияти давлатии ноҳия ва соҳибкорони маҳаллӣ бо мақсади таъмини ҷойҳои нави корӣ, беҳдошти шароити хизматрасонӣ ва таъмини рушди соҳаҳои муҳими хоҷагии халқ корҳои сохтмонӣ дар 20 иншооти нав, аз ҷумла меҳмонхона, осорхона, бинои нави шуъбаи вазорати корҳои дохилӣ ва якчанд иншооти соҳибкорӣ идома доранд. Сохтмони бинои нави шуъбаи ҳифзи иҷтимоӣ ва муҳоҷирати ноҳия моҳи октябри соли 2012 оғоз гардида, дар бинои нави шуъбаи корҳои дохилии ноҳия ва меҳмонхонаи замонавӣ аллакай корҳои асосии сохтмонӣ ба анҷом расида, бо дастгирии Ҳукумати ӋТ сохтмони варзишгоҳи нав низ ба нақша гирифта шудааст.