Тақсимоти замини наздиҳавлигӣ дар Кӯлоб

Кӯлоб, 29 апрел. (АМИТ «Ховар», С. Холов).-Бо қарори ҳукумати ӋТ дар доираи тақсимоти замини манзилӣ ба шаҳрвандон дар шаҳри Кӯлоб комиссияи ҷамъиятӣ парвандаҳои шаҳрвандони эҳтиёҷманди шаҳру деҳотро баррасӣ карда, баъди муоинаи ҳуҷҷатҳои дахлдор қитъаҳои заминро тавассути қуръапартоӣ ба эҳтиёҷмандон пешниҳод кард. Дар ин замина дар масоҳати 289 ҳазору 87 га замин барои 1951 оилаи эҳтиёҷманди ҷамоатҳои деҳоти шаҳр қитъаи замини наздиҳавлигӣ ҷудо гардид. То ин давра тавассути ситоди ҷумҳуриявии рафъи ҳодисаҳои табиӣ ва комиссияи ҷамъиятӣ 615 оилаи аз офати табиӣ зарардида бо хонаи истиқоматӣ, ҷиҳози рӯзгор ва хатҳои интиқоли барқ таъмин гаштанд. Тавассути қуръапартоӣ боз 260 оилаи таркибии осебдида ва 357 нафар эҳтиёҷманд аз маҳаллаҳои Чаманзор ва Меҳробод бо замини наздиҳавлигӣ таъмин шуданд.