Тоҷикистоне, ки орзу мекунем

Душанбе, 13 апрел.- (АМИТ «Ховар», Фотима Қувватова).- 12 апрел дар Маркази тадқиқоти стратегии назди Президенти Ҷумҳурии Тоҷикистон бо ташаббуси СММ «Машварати миллӣ оид ба ҷаҳони баъди соли 2015» доир гардид. Нишастро муовини раиси Маркази тадқиқоти стратегии назди Президенти Ҷумҳурии Тоҷикистон Фарида Муъминова кушод. Ҳамоҳангсози барномаҳои СММ дар самти Ташкилоти умумиҷаҳонии тандурустӣ Павела Урсу зикр кард, ки :-Соли 2000- ум ҳамаи кишваҳои сайёра барои тадбиқи ҳашт Ҳадафи Рушди Ҳазорсола уҳдадор шудаанд. Ин ҳадафҳо коҳиши дукаратаи сатҳи камбизоатӣ, пешгирӣ аз паҳншавии вируси масъунияти инсон, таъмини дастрасии умумӣ ба таълими ибтидоӣ мебошанд, ки бояд то соли 2015 амалӣ шаванд,-гуфт ӯ. Аз соли 2000 ум тақрибан дар 50 кишвари ҷаҳон ,аз ҷумла Тоҷикистон машварати миллӣ оид ба самтҳои авлавияти рушд баъди соли 2015 оғоз гардиданд. Бо ин мақсад дар Тоҷикистон таваҷҷуҳи асосӣ ба мушкилот ва ормонҳои асосии мардум баъд аз соли 2015 равона шудаанд. Ҳоло қисми камбизоат ва осебпазир, қисми миёна ва худидоракунии маҳаллӣ,ҷомеаи шаҳрвандӣ,бахши хусусӣ, иттифоқҳои касаба ва корфармоён,ҷомеаи академикӣ вориди ин баҳс гардидаанд,- гуфт Павела Урсу. — Машварати миллӣ барои рушди ҳаматарафаи кишварҳо равон гардида,ҷонибдорони он баъд аз соли 2015 дорои авлавиятхои миллӣ ва маҳаллӣ мегарданд. Дар машварат намояндагони ҳамаи вазорату кумитаҳо ва хадамоти давлатии Ҳукумати Ҷумҳурии Тоҷикистон иштирок доштанд.