290 млн. доллари БИР барои татбиқи лоиҳаҳои Тоҷикистон

Душанбе, 18 май. (АМИТ «Ховар», Афшини Муқим).-Имрӯз, баъд аз зуҳр дар «Кохи Сомон»-и Бӯстонсарои ҳукуматии Ҷумҳурии Тоҷикистон дар доираи Иҷлосияи 38-уми Шӯрои мудирони Бонки Исломии Рушд Ассамблеяи генералии давлатҳои исломӣ, семинар оид ба имкониятҳои молиявии лоиҳаҳои Бонки Исломии Рушд бо намунаҳои натиҷаовар ва Ассамблеяи генералии созмони машваратчиён аз давлатҳои исломӣ баргузор гардид. Дар нишастҳои мазкур аз сатҳи кунунии ҳамкориҳои давлатҳои узви ин созмон бо БРИ изҳорӣ қаноатмандӣ зоҳир гардида, таъкид шуд, ки ин ҳамкориҳо дар оянда низ ба нафъи кишварҳои аъзо рушд хоҳанд кард. Зикр шуд, ки Бонки Исломии Рушд дар минтақаи Осиёи Марказӣ 340 лоиҳаҳои сармоягузориро амалӣ менамояд, ки аз он 59 лоиҳа, ба маблағи 290 миллион доллари амрикоӣ ба Ҷумҳурии Тоҷикистон рост меояд. Ҳамчунин, дар ҷараёни ҷаласаҳои мазкур ҳайатҳои кишварҳои аъзо масоили мухталифи мавриди таваҷҷуҳро баррасӣ намуданд.