Чанд хабар аз хориҷи кишвар

Задухӯрди мусаллаҳона дар Нигерия Душанбе, 2 май .(АМИТ «Ховар»).-Бар асари задухӯрди мусаллаҳона дар қисми шимолу шарқии минтақаи Бамаи Нигерия 17 кас ба ҳалокат расида, чанд тани дигар ҷароҳатҳои гуногун бардоштанд. Тавре ки расонаҳои хабарии дохили кишвар менависанд, тирпарронӣ миёни як гуруҳ силоҳбадастони номаълум ва кормандони мақомоти полиси кишвар сурат гирифтааст. Шумораи ҳалокшудагон аз гуруҳи силоҳбадастони намаълум зиёда аз 50 нафар ва аз кормандони қудратӣ 7 нафарро ташкил медиҳад. То ҳол сабабҳои муноқишаро муайян накардаанд. Тафтишот дар ин самт идома дорад. Таркиш дар шаҳри Прага Душанбе, 2 май .(АМИТ «Ховар»).-Ҳафтаи равон дар яке аз биноҳои Театри миллии пойтахти Чехия — шаҳри Прага таркиши ногаҳонӣ ба амал омад. Дар натиҷаи ҳодиса 4 нафар ба ҳалокат расида, 40 каси дигар бо захмҳои гуногун ба беморхонаи марказӣ интиқол ёфтанд. Ба гуфти сардори шуъбаи тафтишотии Вазорати корҳои дохилии кишвар, таркиш аз зарфи газдор сар задааст. Қабати якуми бино, ки дар он инфиҷор ба вуқуъ омад, қисман хароб гардидааст. Аз зарбаи сахти таркиш биноҳои атрофи ҳодиса низ зарар дидаанд. Ҳамзамон роҳҳои асосии автомобилгарди шаҳр баста шудаанд. Кормандони мақомоти полис барои муайян намудани сабабҳои дақиқи ҳодиса фаъолият мебаранд.Тарҷумаи Иброҳими Ҳабибуллоҳ