Дастаи мунтахаби Тоҷикистон дар ҷои 112 – ум

Душанбе, 10 май. (АМИТ «Ховар», Пайрав Назаров). – 9 май Федератсияи байналмилалии футбол рӯйхати рейтинги (мақоми) нави дастаҳои мунтахаб оид ба футболро дарҷ намуд. Дастаи миллии Тоҷикистон чун пештара мақоми 112 – умро касб мекунад. Дастаи мунтахаби кишвари мо 312 хол ба даст оварда, дар байни кишварҳои аъзои Конфедератсияи футболи Осиё ҷойи 13 – умро ишғол менамояд.Дастаи мунтахаби Испаниё чун пештара дастаи мунтахаби беҳтарини ҷаҳон ба шумор рафта, Олмон ҷойи дуюм ва Аргентина ҷои сеюмро ишғол мекунанд. Дар ин бора аз Федератсияи футболи Тоҷикистон ба АМИТ «Ховар» хабар доданд.