Иттифоқҳои касаба, ҷавонон, варзиш ва фарҳанг

Душанбе, 3 май. (АМИТ «Ховар», Дилшодаи Хайруллоҳ).- 23 май бо мақсади ҷалби ҷавонон ба сафи иттифоқҳои касаба, Кумитаи иттифоқи касабаи маориф ва илми Ҷумҳурии Тоҷикистон чун анъанаи ҳарсола бахшида ба Рўзи ҷавонони Тоҷикистон дар истироҳатгоҳи беруназшаҳрии бачагонаи «Чайка», ки ба Кумитаи иттифоқҳои касабаи маориф ва илми Ҷумҳурии Тоҷикистон мансуб асту дар дараи зебоманзари Варзоб ҷойгир аст, чорабиниҳои фарҳангию варзишӣ, аз қабили волейбол, шоҳмот, шашка ва баромади дастаҳои ҳунариро мегузаронад. Дар он намояндагони донишҷӯёни тамоми муассисаҳои таҳсилоти олии касбии ҷумҳурӣ ширкат меварзанд.  Дар ин бора ба мухбири АМИТ «Ховар» Қосимҷон Исмоилов, мутахассиси Кумитаи иттифоқҳои касабаи маориф ва илми Ҷумҳурии Тоҷикистон иттилоъ дод.