Маблағи қарзҳои низоми бонкӣ меафзояд

Душанбе, 27 май. (АМИТ «Ховар», Покиза Маҳмадбекова). – То 1 майи соли равон маблағи умумии қарзҳои низоми бонкӣ ва созмонҳои маблағгузорӣ ба бахшҳои асосии иқтисодиёти Тоҷикистон беш аз 5 миллиарду 700 миллион сомониро ташкил дод. Тавре ки аз Бонки миллии Тоҷикистон ба АМИТ «Ховар» хабар доданд, аз ҷумлаи ин маблағ беш аз 3 миллиарду 700 миллион сомонии он қарзҳои кӯтоҳмӯҳлат мебошанд. Маблағи қарзи дарозмӯҳлат беш аз 2 миллиард сомониро ташкил дода, бештар аз нисби қарзҳо ба корхонаҳои тиҷоратӣ ва шахсони инфиродӣ дода шудаанд.