Маъракаи даъват ба сафҳои артиш 89 фоиз иҷро шуд

Душанбе, 3 май. (АМИТ «Ховар», Лутфия Эшонқулова). – Тайи як моҳ маъракаи даъват ба Қувваҳои Мусаллаҳи Тоҷикистон баробари 89 фоиз иҷро гардид. Тавре ки аз Вазорати мудофиаи кишвар ба АМИТ «Ховар» хабар доданд, дурнамои даъвати баҳорӣ ба сафҳои Қувваҳои Мусаллаҳ дар 31 шаҳру ноҳияи ҷумҳурӣ пурра иҷро шудааст. То имрӯз даъват ба сафҳои артиш дар вилояти Хатлон 94 фоиз, ВМКБ 98 фоиз, вилояти Суғд 85 фоиз, ноҳияҳои тобеи ҷумҳурӣ 86 фоиз ва шаҳри Душанбе 88 фоиз иҷро гардидааст. Хотирнишон месозем, ки даъвати баҳорӣ ба сафҳои артиш 1 апрел оғоз ёфта ва то 31 май давом мекунад.