Таҳкими ҳамкории ширкатҳои Туркия бо Тоҷикистон

Душанбе, 22 май. (АМИТ «Ховар», Покиза Маҳмадбекова). – Чанде пеш дар шаҳри Душанбе мулоқоти раиси Палатаи савдо ва саноати Ҷумҳурии Тоҷикистон Шариф Саид бо раиси Шӯрои тоҷирони Туркияю Тоҷикистон Маҳмуд Эр ва ноиби президенти Бонки тиҷорат ва рушди Баҳри Сиёҳ Мустафо Боран баргузор гардид. Тавре ки аз Палатаи савдо ва саноати ҷумҳурӣ ба АМИТ «Ховар» хабар доданд, Шариф Саид дар ҷараёни мулоқот пешниҳод намуд, ки дар шаҳри Душанбе намоишгоҳи маҳсулоти корхонаҳои Туркия доир намуда, форуми аҳли тиҷорати Тоҷикистону Туркия ташкил карда шавад. Меҳмонон пешниҳоди раиси палатаи савдоро пазируфта, изҳор доштанд, ки ширкату сармоягузорони сершумори Туркия ҷонибдори ҳамкорӣ бо ширкатҳои Тоҷикистоннанд. Мусоҳибон имконоти иштироки сармоягузорони Туркия дар бунёди корхонаҳо бо истифода аз технологияҳои нави коркарди ашёми хоми маҳаллиро мавриди муҳокима қарор доданд. Зимни мулоқот ҳамчунин масъалаи тарбияи кадрҳо барои Тоҷикистон ва таҳсили онҳо дар Туркия баррасӣ шуд.