Ташкили гармхонаҳо дар Рашт

Рашт, 25 май. (АМИТ «Ховар», Зебо Давлатова). – Боду ҳавои сарди зимистон дар ноҳияи Рашт барои ташкили гармхона он қадар мусоид нест. Ба ин нигоҳ накарда, сокини деҳаи Нимичи ҷамоати деҳоти Ҷафр Аминҷон Маҳмадҷонов имсол аз аввалинҳо шуда, дар Раштонзамин гармхона ташкил кард, ки ҳосили бодирингу помидор ва дигар навъҳои сабзавотро ба бозорҳои Раштонзамин ва гирду атрофи ноҳия баровард.Имсол таҷрибаи андӯхтаи Аминҷон Маҳмадҷоновро аҳли дигар хоҷагиҳои ноҳияи Рашт дастгирӣ намуда, баҳри беҳбудии зиндагии аҳолӣ гармхонаҳо ташкил намуданд.