Истиқбол аз Ваҳдати миллӣ дар «Фурудгоҳ»

Душанбе, 26 июн.(АМИТ «Ховар»,Фарзона Достонзода).-Маҷлиси тантанавӣ бахшида ба Рӯзи Ваҳдати миллӣ бо иштироки масъулини КИ ҲХДТ дар ноҳияи Шоҳмансур дар КИИ «Фурудгоҳ» бо иштироки ҶСК «Фурудгоҳи байналмилалии Душанбе» ва собиқадорони соҳаи авиатсия имрӯз доир гардид.  Тавре ки ба АМИТ «Ховар» Раиси КИ ҲХДТ дар ноҳияи Шоҳмансур А.Қаландаров иттилоъ дод, дар музокира кормандон баромад карда, оиди ба даст овардани истиқрори сулҳи тоҷикон, заҳмати пайвастаи мардони миллат андешаронӣ намуданд. Вобаста ба қисми сеюми барнома, ки таҳти унвони хотираҳо ном дошт, собиқадорони соҳаи авиатсия Т. Қурбонов ва С. Табаров аз солҳои даҳшатбори ҷанги шаҳрвандии Тоҷикистон аз ёддоштҳову хотираҳои худ қисса намуданд. Муовини раиси КИ ҲХДТ дар ноҳияи Шоҳмансур К. Шамшеров аз дастовардҳои ҲХДТ, пешрафти Тоҷикистон сухан ронда, ҳозиринро бо Рўзи Ваҳдати миллӣ табрик намуд ва ба даҳ нафар кормандоне, ки ба сафи ҲХДТ ба тозагӣ пайвастанд шаҳодатномаҳои ҳизбӣ дод.