Нашри «Таҷаллибахш»

Душанбе, 7 июн.(АМИТ «Ховар»,Фарзона Достонзода).-Китоби адиба Хиромони Неъматзода дар шакли драма таҳти унвони «Таҷаллибахш» дар нашриёти «Дурандеш» аз чоп баромад.Кинодрамаи Хиромони Неъматзода «Таҷаллибахш» ба масъалаи муҳими рӯзгори мо бахшида шудааст. Муаллиф тавассути саргузашти Эмомалӣ Раҳмон Президенти Ҷумҳурии Тоҷикистон, аз сулҳу ваҳдат, некию бадӣ, меҳру садоқат, ватандорӣ ҳарф мезанад. Хонанда тавассути образи Эмомалии ҷавон, ки дорои хислатҳои ҳамидаи инсонист, ҳолатҳои ташаккули шахсияти бузурги таърихиро, ки таҷаллобахшандаи роҳи зиндагонии мардумон аст,дарк хоҳад кард.Баъдан воқеаҳои дигари асар дар байни 20-сол: аз оғози иҷлосияи шонздаҳум то ҷашни 20-солагии он мегузаранд. Дар кинодрама симои калонсолон, вакилони мардумӣ, деҳконҳо, ҷавонони ватандӯст, хусусан занону мардон равшан инъикос ёфтааст.Тахайюлоти муаллифро ҷо-ҷо порчаҳо аз наворҳои таърихӣ тақвият медиҳанд. Хиромони Неъматзода кӯшидааст, ки дастовардҳои азими халқи тоҷикро дар замони истиқлолият бо роҳбарии Сарвари давлат Эмомалӣ Раҳмон нишон диҳад. Саҳнаҳо мувофиқи мазмун ва ҷараёни воқеаҳо бо мусиқӣ ва суруд оро дода шудаанд. Қобили зикр аст, ки китоби мазкур бо ибтикори Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ба чоп расидааст.