Барномаи фарҳангии ҷашни Истиқлолро кӣ таҳия менамояд?

Душанбе, 3 июл.(АМИТ “Ховар”, Марзия Саидова).- Шаҳрдории Душанбе бобати дар сатҳи баланд ва сазовор истиқбол намудани ҷашни соҳибистиқлолии кишвар омодагӣ мегирад. Дар робита, барномаи театрикунонидашудаи ҷашни 22-юмин солгарди Истиқлолияти давлатии кишвармон, ки 9 сентябр дар Душанбе таҷлил карда мешавад, аз ҷониби коргардон, хунарпешаи шинохтаи ҷумҳурӣ Убайдулло Раҷабов таҳия мегардад. Масъалаи мазкур дар ҷаласаи кории шаҳрдории Душанбе мавриди баррасӣ қарор гирифт. Дар ин росто муқаррар гардид, ки дар радифи фаъолияти барномавии шаҳрдорӣ таваҷҷуҳи масъулин ба таҷлили бошукуҳи Рӯзи истиқлолият ва 90-солагии шаҳри Душанбе, ки соли 2014 ҷашн гирифта мешавад, равона гардад. Таъкид шуд, ки зимни омодагиҳо ҷиҳати пурмуҳтавою хушранг тарҳрезӣ намудани барномҳои фарҳангию театрикунонидашудаи ҷашнвораҳо таклифу пешниҳои аҳли ҷамоатчигии пойтахт ба инобат гирифта шаванд. 9.49.