Манъи вуруди донишҷӯён ба ДМТ бо мошинҳои шахсӣ

Душанбе, 10 июл. (АМИТ «Ховар» Зарангез Латифова).- Раёсати Донишгоҳи Миллии Тоҷикистон тибқи таъкидҳои пай дар пайи Сарвари мамлакат вуруди донишҷӯёнро бо мошинҳои шахсӣ ба донишгоҳ тамоман аз байн бурдааст.  Ин нуктаро Абдусалом Миралиев, муовини ректори ДМТ дар як нишасти хабарӣ имрӯз дар Душанбе иброз намуд. Ҳамчунин, таъкид гардид, ки барои пешгирӣ намудани ҳолатҳои бо мошинҳои шахсӣ ворид гардидани донишҷӯён ва истифодаи телефонҳои мобилӣ дар донишгоҳ аз ҷониби раёсати Донишгоҳ чораҳои зарурӣ пешбинӣ шудааст.