Номгӯи патентҳои Ҷумҳурии Тоҷикистон оид ба ихтироъ

Душанбе, 23 июл.(АМИТ «Ховар»,Фарзона Достонзода).-Дар сомонаи интернетии Китобхонаи давлатии патентию техникии Муассисаи давлатии Маркази миллии патенту иттилооти Вазорати рушди иқтисод ва савдои Ҷумҳурии Тоҷикистон www.gptb.tj номгӯи патентҳо ва нахустпатентҳои Ҷумҳурии Тоҷикистон оид ба ихтироъ дар зергуруҳи саҳифаи асосӣ «Патентҳо» ҷойгир карда шуд. Тавре ки ба АМИТ «Ховар» аз Муассисаи давлатии Маркази миллии патенту иттилооти Вазорати рушди иқтисод ва савдои Ҷумҳурии Тоҷикистон иттилоъ доданд, дар айни замон дар сомона номгӯи 447 патент ва 543 нахустпатенти Ҷумҳурии Тоҷикистон гузошта шудааст. Дар саҳифа ба ғайр аз номи ихтироъ, рақами тартибии патентҳо, санаи пешниҳоди арзнома барои гирифтани патент (аввалияти ихтироъ), ному насаби арзномадеҳон, муаллифон ва дорандагони патент ҷой дода шудааст. Мутахассисони китобхона дар айни замон корҳои дар сомона ҷой додани тавсифи мухтасари патентҳоро иҷро намуда истодаанд, ки дар рӯзҳои наздик истифобарандагон метавонанд бо он шиносоӣ пайдо намоянд. Сомонаи интернетии Китобхонаи давлатии патентию техникии Муассисаи давлатии Маркази миллии патенту иттилооти Вазорати рушди иқтисод ва савдои Ҷумҳурии Тоҷикистон www.gptb.tj аз сомонаҳои интернетӣ (соли ташкил 2007) дар соҳаи иттилооти китобхонавӣ дар фазои ҷумҳурии соҳибистиқлол мебошад, ки ҳамарӯза аз он зиёда аз 100 нафар истифодабаранда дидан менамояд. Роҳбарияти китобхона кўшиш дорад, ки дар оянда бо ҷалби сармояи ташкилотҳои байналхалқӣ сомонаи интернетии китобхонаро такмил намуда, маъхазҳои маълумотӣ ва феҳристҳои электронии китобхонаро дар сомона ҷойгир намоянд.