Тағироти кадрӣ дар ФФТ

Душанбе, 5 июл. (АМИТ «Ховар»).- Федератсияи футболи Тоҷикистон дар оғози моҳи июл ғайр аз иваз кардани мураббии дастаи мунтахаби кишвар ба таъвизи кормандони Федератсия низ таваҷҷуҳ карда, дабири кулли ин созмон Фирдавс Файзуллоевро, ки давоми якуним сол ифои вазифа кардааст, бо Ислом Мухаммадшоев иваз кардааст. Ислом Муҳаммадшоев қаблан дар вазифаи сардори шуъбаи байналмилалии Федератсияи футболи Тоҷикистон фаъолият дошт. Аз рӯи хабари сомонаи ФФТ Фирдавс Файзуллоев бо хоҳиши худ барои аз вазифа рафтанаш ариза додааст.Аз ин пештар, ноиби президенти ФФТ Валерий Турсунов ҳам бо ҳоҳиши худ вазифаашро тарк карда буд.