Мулоқоти Ҳ.Зарифӣ бо Ян Кубиш

Душанбе, 30 август. (АМИТ «Ховар»).- 29 августи соли 2013 вазири корҳои хориҷии Ҷумҳурии Тоҷикистон Ҳамрохон Зарифӣ Намояндаи махсуси Дабири кулли СММ оид ба Афғонистон Ян Кубишро ба ҳузур пазируфт. Дар мулоқот ҷонибҳо оид ба вазъи кунунии минтақа ва Афғонистон мубодилаи афкор намуда, зарурати идомаи мусоидати байналмилалӣ ба Афғонистонро таъкид карданд. Аз ҷумла, масъалаи зарурати афзоиш додани кӯмаки молию иқтисодии ҷомеаи ҷаҳонӣ ба Афғонистон бо мақсади барқарорсозӣ ва таҷдиди иқтисодиёти он зикр гардид. Вазири корҳои хориҷӣ омода будани Тоҷикистонро ба истифодаи иқтидораш барои расонидани кӯмакҳои иқтисодӣ ва техникӣ ба Афғонистон, бахусус, дар соҳаҳои таъминот бо қувваи барқ, коммуникатсия, омодакунии кадрҳои ҳарбӣ ва мулкӣ изҳор дошт.