Пирӯзии дастаи миллии Тоҷикистон бар Ҳиндустон

Душанбе, 15 август. (АМИТ Ховар, Фарзона Ашӯрмадова).- Бозии рафиқонаи дастаи миллии Тоҷикистон бо Ҳиндустон дар шаҳри Хуҷанд бо пирӯзии футболбозони тоҷик анҷом ёфт. Дар бозии мазкур, ки шоми дирӯз, 14-уми август дар майдони «20-солагии Истиқлолият»-и шаҳри Хуҷанд баргузор шуд, футболбозони тоҷик ҳарифи худро бо ҳисоби 3:0 шикаст доданд.Бозингарони дастаи мунтахаби тоҷик тӯбро аз аввал ба идораи худ гирифта, голҳоро дар дақиқаҳои 11, 19 ва вақти илованамудаи довар ба дарвозаи ҳиндуҳо ворид намуданд.