Ғалабаи навбатии «Вахш»

Душанбе, 11 сентябр. (АМИТ «Ховар»). – Футболбозони дастаи «Вахш» — и шаҳри Қӯрғонтеппа дар вохӯрии аввали чорякфиналӣ барои дарёфти Ҷоми Тоҷикистон дастаи «Эсхата» — ро бо ҳисоби ду бар як мағлуб сохтанд.Вохӯрии навбатии ҳар ду даста 17 сентябр дар варзишгоҳи «Пахтакор» — и шаҳри Қӯрғонтеппа баргузор мешавад. Мувофиқи хабари Федератсияи футболи Тоҷикистон, имрӯз, 11 сентябр, боз се вохӯрии аввали чорякфиналӣ барои дарёфти Ҷоми Тоҷикистон баргузор гардида, дастаи «Истаравшан» дар майдони худ дастаи «Истиқлол» — и шаҳри Душанберо қабул мекунад. Дар ин рӯз дастаи «Парвоз» — и ноҳияи Бобоҷон Ғафуров бо дастаи «Равшан» — и шаҳри Кӯлоб ва дастаи «Регар – ТадАз» — и шаҳри Турсунзода клуби «Энергетик» — и шаҳри Душанбе қувваозмоӣ менамоянд.