Иштироки дастаи мунтахаби Тоҷикистон дар даври интихобии мусобиқоти Осиё

Душанбе, 25 сентябр. (АМИТ «Ховар», Пайрав Назаров). – Дастаи мунтахаби Тоҷикистон оид ба футзал бо роҳбарии сармураббӣ Дамир Камолиддинов дар вохӯриҳои интихобии минтақаи Осиёи Марказии мусобиқоти «Осиё – 2014», ки аз 5 то 7 ноябр дар шаҳри Тошканд баргузор мегардад, иштирок менамояд. Тавре ки аз Федератсияи футболи Тоҷикистон хабар доданд, дар гуруҳи «А» дастаҳои мунтахаби Тоҷикистон, Қирғизистон, Туркманистон ва Ӯзбекистон қувваозмоӣ менамоянд. Футболбозони тоҷик 5 ноябр бо дастаи мунтахаби Қирғизистон, 6 ноябр бо дастаи мунтахаби Ӯзбекистон ва 7 ноябр бо дастаи Туркманистон вомехӯранд. Хотинишон месозем, ки фақат се дастаи гуруҳи мазкур ба қисми хотимавии мусобиқоти «Осиё — 2014» роҳхат мегиранд.