Омодагии Хадамоти санитарии пойтахт ба мавсими бемории зуком

Душанбе, 26 сентябр. (АМИТ «Ховар», Екатерина Пасторова). – Дар ин рӯзҳо табибони пойтахти кишвар ба мавсими бемории зуком омодагӣ мегиранд. Алҳол аз номи роҳбари хадамоти санитарию эпидемиологии шаҳри Душанбе ба макотибу муассисаҳои томактабӣ тавсияномаҳо ҷиҳати ҷилавгирии бемории зуком фиристода мешаванд.Қобили зикр аст, ки то ҳол дар ҷумҳурӣ эмкунии шаҳрвандон аз сирояти вируси зуком дар миқёси васеъ сурат нагирифта, аз ин чорабинӣ танҳо гуруҳи хурди мардум, аз ҷумла занҳои ҳомила ва намояндагони мақомоти ҳифзи ҳуқуқ бархурдоранд.