Подоши амали хайр нек аст

Душанбе, 12 сентябр. (АМИТ «Ховар», Хайригул Маҳмудова). — Тайи солҳои охир бо шарофати мардони саховатпеша ва раҳмгину ғамхор ашхоси хизматкарда ва ниёзманд мунтазам дастгирӣ мешаванд, ки ин иқдоми наҷиби эшон боиси сарфарозӣ ва некӯаҳволии эшон гаштааст.Яке аз чунин шахсони саховатпеша ва марди фозил Комилов Наврӯз Одилович, директори фабрикаи шири Душанбе аст, ки бо қадрдонӣ аз шавҳари Авғонова Момагул Маҳмудов Авғон, ки тайи чандсол роҳбарии филиали ин корхона дар ноҳияи Файзободро бар дӯш дошт, дар арафаи ҷашнҳои милливу аҷдодӣ ва мунтазам ба ӯ кӯмаки модию молӣ мерасонад. Ин иқдоми хайрхоҳона ва саховатмандонаи Комилов Н. боиси сарфарозӣ ва хушнудии доимии ин зани солхӯрда гаштааст, ки то имрӯз шавҳари ӯро, ки дар қайди ҳаёт набошад ҳам, хизматҳояш аз ҷониби чунин ашхос қадрдонӣ мегардад.Бо дарназардошти гуфтаҳои боло Авғонова Момагул аз рафтори хайрхоҳонаи Комилов Н. миннатдории зиёд намуда, ҳамеша аз даргоҳи Худованд барои чунин ашхоси саховатпешаву раҳмдил саломатии бардавом, муваффақиятҳои нав ба нав ва ба подошти ин ҳама некиҳояшон файзу эҳсони ҳамешагӣ таманно дорад. Маврид ба зикр аст, ки дар даврони соҳибистиқлоли дар партави ҳидоятҳои пайвастаи Сарвари давлат ҷиҳати дастгирии ашхоси ниёзманд сафи мардони саховатпеша зиёд гашта, чунин амалҳои хайрхоҳона ба маротиб афзудаанд, ки нишон аз давлати иҷтимоӣ ва мардумсолори давлати Тоҷикистон аст.